జిల్లాలో 10 ప్రభుత్వ జూనియర్ కళాశాలలకు షోకాజ్ నోటీసులు

 

50 శాతం ఫలితాలు తగ్గిన కళాశాలలకు షో కాజ్ నోటీసులు 

అధ్యాపకులపై ఎందుకు చర్యలు చూసుకోకూడదని ప్రశ్న 

రానున్న విద్యా సంవత్సరంలో ఫలితాలు మెరుగ్గా ఉండాలని ఆదేశాలు 

ఫలితాలు మెరుగుపర్చుకోకుంటే కఠిన చర్యలు తప్పవని హెచ్చరికలు 

(ఆంధ్రప్రభ బ్యూరో, చిత్తూరు.)

చిత్తూరు జిల్లాలో ఇంటర్మీడియట్ పబ్లిక్ పరీక్షల్లో 50 శాతం కంటే తక్కువ ఫలితాలు సాధించిన 10 ప్రభుత్వ జూనియర్ కళాశాలలకు జిల్లా ఇంటర్మీడియట్ విద్యాశాఖ అధికారులు షోకాజ్ నోటీసులు జారీ చేశారు. రాష్ట్ర ప్రభుత్వ ఆదేశాల మేరకు జిల్లా ఇంటర్మీడియట్ విద్యాశాఖ అధికారి రఘుపతి ఈ నోటీసులను జారీ చేసినట్లు తెలిసింది. ఫలితాలు ఎందుకు తగ్గాయో వివరణ ఇవ్వాలని ఆయా కళాశాలల ప్రిన్సిపాళ్లను ఆదేశించారు. కళాశాలలో పనిచేస్తున్న రెగ్యులర్ అధ్యాపకులు, కాంట్రాక్ట్ అధ్యాపకులు, గెస్ట్ అధ్యాపకులకు కూడా నోటీసులు జారీ చేసిన అధికారులు, రానున్న విద్యా సంవత్సరంలో ఫలితాలను మెరుగుపరచకపోతే కఠిన చర్యలు తప్పవని హెచ్చరించారు. రాష్ట్రస్థాయిలో కూడా 50 శాతం కంటే తక్కువ ఫలితాలు సాధించిన కళాశాలల ప్రిన్సిపాళ్లతో సమావేశం నిర్వహించిన ఇంటర్ విద్యాశాఖ అధికారులు, ఫలితాలు తగ్గడానికి గల కారణాలను అడిగి తెలుసుకున్నారు. వచ్చే విద్యా సంవత్సరంలో ఉత్తీర్ణత శాతం పెంచేందుకు ప్రత్యేక కార్యాచరణ రూపొందించాలని సూచించారు. చిత్తూరు జిల్లాలో వి.కోట, ఐరాల, కుప్పం బాలుర, చిత్తూరు పీసీఆర్, చౌడేపల్లి, పలమనేరు బాలికల, చిత్తూరు బీఎస్‌కే, మల్లనూరు కుప్పం, బంగారుపాళెం, పుంగనూరు బాలుర ప్రభుత్వ జూనియర్ కళాశాలల ప్రిన్సిపాళ్లకు షోకాజ్ నోటీసులు జారీ చేశారు. 

ఇంటర్ రెండవ సంవత్సరంలో..

చిత్తూరు జిల్లాలోని ప్రభుత్వ జూనియర్ కళాశాలల ఇంటర్ రెండవ సంవత్సరం ఫలితాల్లో పలసముద్రం ప్రభుత్వ జూనియర్ కళాశాల 97.18 శాతం ఉత్తీర్ణతతో అగ్రస్థానంలో నిలిచింది. నందవనం ప్రభుత్వ జూనియర్ కళాశాల 89.74 శాతం, శాంతిపురం ప్రభుత్వ జూనియర్ కళాశాల 83.92 శాతం, బొమ్మసముద్రం ప్రభుత్వ జూనియర్ కళాశాల 82.69 శాతం, పెనుమూరు ప్రభుత్వ జూనియర్ కళాశాల 80.00 శాతం, సోడం ప్రభుత్వ జూనియర్ కళాశాల 78.95 శాతం, సోమల ఎస్‌కేవీఎన్ ప్రభుత్వ జూనియర్ కళాశాల 75.34 శాతం ఉత్తీర్ణత సాధించాయి. పూతలపట్టు ప్రభుత్వ జూనియర్ కళాశాల 70.59 శాతం, పుంగనూరు బాలికల ప్రభుత్వ జూనియర్ కళాశాల 69.74 శాతం, నాగరి సీఎన్ ప్రభుత్వ జూనియర్ కళాశాల 67.43 శాతం, కుప్పం వొకేషనల్ ప్రభుత్వ జూనియర్ కళాశాల 66.44 శాతం, రామకుప్పం ప్రభుత్వ జూనియర్ కళాశాల 65.63 శాతం, నాగరి బాలికల ప్రభుత్వ జూనియర్ కళాశాల 65.52 శాతం, నరసింగరాయునిపేట ప్రభుత్వ జూనియర్ కళాశాల 64.15 శాతం, కార్వేటినగరం ప్రభుత్వ జూనియర్ కళాశాల 61.48 శాతం ఫలితాలు నమోదు చేశాయి. చిత్తూరు వొకేషనల్ ప్రభుత్వ జూనియర్ కళాశాల 55.63 శాతం, చవటగుంట ప్రభుత్వ జూనియర్ కళాశాల 55.56 శాతం, కృష్ణవేణి ప్రభుత్వ బాలికల జూనియర్ కళాశాల చిత్తూరు 50.95 శాతం, రాళ్లబుడుగూరు శాంతిపురం ప్రభుత్వ జూనియర్ కళాశాల 50.00 శాతం ఉత్తీర్ణత సాధించాయి. గుడిపల్లె ప్రభుత్వ జూనియర్ కళాశాల 49.44 శాతంసాధించారు.

50శాతం కట్టే తక్కువ పలితాలు

మరోవైపు 50 శాతం కంటే తక్కువ ఫలితాలు సాధించిన కళాశాలల్లో పలమనేరు టీకేసీ ప్రభుత్వ జూనియర్ కళాశాల 47.68 శాతం, బంగారుపాళెం ప్రభుత్వ జూనియర్ కళాశాల 44.71 శాతం, వి.కోట ప్రభుత్వ జూనియర్ కళాశాల 39.23 శాతం, ఐరాల ప్రభుత్వ జూనియర్ కళాశాల 38.20 శాతం, కుప్పం ఎంఎఫ్‌సీ ప్రభుత్వ బాలుర జూనియర్ కళాశాల 36.46 శాతం, పుంగనూరు బీఆర్ ప్రభుత్వ బాలుర జూనియర్ కళాశాల 34.55 శాతం, చిత్తూరు పీసీఆర్ ప్రభుత్వ జూనియర్ కళాశాల 34.19 శాతం, చౌడేపల్లి ప్రభుత్వ జూనియర్ కళాశాల 33.33 శాతం, పలమనేరు బాలికల ప్రభుత్వ జూనియర్ కళాశాల 30.30 శాతం, చిత్తూరు బీఎస్‌కే ప్రభుత్వ జూనియర్ కళాశాల 25.71 శాతం, మల్లానూరు కుప్పం ప్రభుత్వ జూనియర్ కళాశాల 24.32 శాతం ఉత్తీర్ణత మాత్రమే నమోదు చేశాయి.

ఇంటర్ మొదటి సంవత్సరంలో ...

చిత్తూరు జిల్లాలోని ప్రభుత్వ జూనియర్ కళాశాలల ఇంటర్ మొదటి సంవత్సరం ఫలితాల్లో శాంతిపురం ప్రభుత్వ జూనియర్ కళాశాల 92.59 శాతం ఉత్తీర్ణతతో మొదటి స్థానంలో నిలిచింది. నందవనం ప్రభుత్వ జూనియర్ కళాశాల 91.67 శాతం, సోడం ప్రభుత్వ జూనియర్ కళాశాల 89.80 శాతం, పలసముద్రం ప్రభుత్వ జూనియర్ కళాశాల 87.95 శాతం, పెనుమూరు ప్రభుత్వ జూనియర్ కళాశాల 87.72 శాతం, సోమల ఎస్‌కేవీఎన్ ప్రభుత్వ జూనియర్ కళాశాల 86.49 శాతం, చవటగుంట ప్రభుత్వ జూనియర్ కళాశాల 86.07 శాతం, రామకుప్పం ప్రభుత్వ జూనియర్ కళాశాల 83.87 శాతం, పూతలపట్టు ప్రభుత్వ జూనియర్ కళాశాల 83.33 శాతం ఉత్తీర్ణత సాధించాయి. బొమ్మసముద్రం ప్రభుత్వ జూనియర్ కళాశాల 79.22 శాతం, నరసింగరాయునిపేట ప్రభుత్వ జూనియర్ కళాశాల 76.47 శాతం, నాగరి సీఎన్ ప్రభుత్వ జూనియర్ కళాశాల 75.48 శాతం, నాగరి బాలికల ప్రభుత్వ జూనియర్ కళాశాల 69.03 శాతం, కార్వేటినగరం ప్రభుత్వ జూనియర్ కళాశాల 68.93 శాతం, కుప్పం వొకేషనల్ ప్రభుత్వ జూనియర్ కళాశాల 68.36 శాతం, పలమనేరు టీకేసీ ప్రభుత్వ జూనియర్ కళాశాల 63.67 శాతం, పుంగనూరు బాలికల ప్రభుత్వ జూనియర్ కళాశాల 62.00 శాతం, కృష్ణవేణి ప్రభుత్వ బాలికల జూనియర్ కళాశాల చిత్తూరు 58.94 శాతం, చిత్తూరు వొకేషనల్ ప్రభుత్వ జూనియర్ కళాశాల 58.79 శాతం, చౌడేపల్లి ప్రభుత్వ జూనియర్ కళాశాల 56.25 శాతం, వి.కోట ప్రభుత్వ జూనియర్ కళాశాల 53.97 శాతం, గుడిపాలెం ప్రభుత్వ జూనియర్ కళాశాల 53.70 శాతం, రాళ్లబుడుగూరు శాంతిపురం ప్రభుత్వ జూనియర్ కళాశాల 52.78 శాతం, పలమనేరు బాలికల ప్రభుత్వ జూనియర్ కళాశాల 51.85 శాతం, కుప్పం ఎంఎఫ్‌సీ ప్రభుత్వ బాలుర జూనియర్ కళాశాల 50.35 శాతం ఉత్తీర్ణత నమోదు చేశాయి. 

ఫలితాలు తగ్గిన కళాశాలలు

అలాగే పుంగనూరు బీఆర్ ప్రభుత్వ బాలుర జూనియర్ కళాశాల 47.82 శాతం, బంగారుపాళెం ప్రభుత్వ జూనియర్ కళాశాల 43.95 శాతం, ఐరాల ప్రభుత్వ జూనియర్ కళాశాల 34.57 శాతం, మల్లానూరు కుప్పం ప్రభుత్వ జూనియర్ కళాశాల 33.33 శాతం, చిత్తూరు బీఎస్‌కే ప్రభుత్వ జూనియర్ కళాశాల 30.91 శాతం, పీసీఆర్ ప్రభుత్వ జూనియర్ కళాశాల చిత్తూరు 30.88 శాతం ఉత్తీర్ణత మాత్రమే నమోదు చేసి తక్కువ ఫలితాలు సాధించిన కళాశాలలుగా నిలిచాయి.