స్వచ్ఛత, ఆరోగ్యానికి మొదటి మెట్టు

నేడు గ్లోబల్ హ్యాండ్ వాషింగ్ డే

చిత్తూరు బ్యూరో, ఆంధ్రప్రభ.

గ్లోబల్ హ్యాండ్ వాషింగ్ డే ప్రపంచవ్యాప్తంగా అక్టోబర్ 15న ప్రతి సంవత్సరం జరుపుకుంటారు. సబ్బుతోతో చేతులు కడుక్కోవడం  ప్రాముఖ్యతను అవగాహన కల్పించడానికి ఏర్పాటు చేయబడిన ప్రపంచ స్థాయి కార్యక్రమం. సరైన పద్ధతిలో చేతులు కడుక్కోవడానికి కనీసం 20 సెకన్లు పడుతుంది. ఆహారం తయారీ ముందు, తినే ముందు, రోగికి సేవలు అందించే ముందు, తర్వాత, టాయిలెట్ ఉపయోగించిన తర్వాత చేతులు తప్పనిసరిగా కడుక్కోవాలి. చేతులు కడుక్కోవడం అనేది అత్యంత మేలైన, తక్కువ ఖర్చుతో కూడిన ఆరోగ్య పద్ధతి. ఇది అనేక రకాల సంక్రామిక వ్యాధుల వ్యాప్తిని నిరోధించగలదు.

గ్లోబల్ హ్యాండ్ వాషింగ్  దినోత్సవాన్ని మొదటిసారిగా 2008లో యునైటెడ్ నేషన్స్ జనరల్ అసెంబ్లీ ప్రకటించింది. ప్రపంచంలోని వివిధ దేశాలు, అంతర్జాతీయ సంస్థలు మరియు సివిల్ సొసైటీ సంస్థలు ఈ కార్యక్రమాన్ని నిర్వహిస్తున్నాయి. ప్రధాన లక్ష్యం, సబ్బుతో చేతులు కడుక్కోవడం వలన కలిగే ఆరోగ్య ప్రయోజనాల గురించి ప్రజల్లో, ముఖ్యంగా పాఠశాలల్లోని పిల్లల్లో, తల్లుల్లో తెలివి కల్పించడం.  డయరియా, న్యుమోనియా, కలరా వంటి తీవ్రమైన వ్యాధులు, వైరస్ తీవ్రత , కీటకాల ద్వారా వచ్చే జ్వరాలు చేతులు ద్వారా వ్యాపించే సూక్ష్మజీవుల వలన వస్తాయి. సరైన పద్దతిలో  చేతులు కడుక్కోవడం వలన ఈ వ్యాధులను 50 శాతం వరకు తగ్గించవచ్చు.  ప్రపంచవ్యాప్తంగా ఐదు సంవత్సరాలలోపు పిల్లల మరణాలకు ప్రధాన కారణం డయరియా, న్యుమోనియా. రోజువారీ జీవనంలో సబ్బుతో చేతులు కడుక్కోవడం అలవాటు చేసుకోవడం వలన ఈ మరణాలను గణనీయంగా తగ్గించవచ్చు. ఒకరి ఆరోగ్యం మీద మాత్రమే కాకుండా, సమాజం మొత్తం ఆరోగ్యంపై స్వచ్ఛతకు ప్రాధాన్యత ఇవ్వడానికి గ్లోబల్ హ్యాండ్ వాషింగ్ డే ప్రేరణ ఇస్తుంది. ఇది ఆసుపత్రులు, పాఠశాలలు, బహిరంగ ప్రదేశాలలో స్వచ్ఛతా సదుపాయాలను మెరుగుపరచడానికి దోహదపడుతుంది. ఈ సంవత్సరం గ్లోబల్ హ్యాండ్ వాషింగ్ డే ను స్వచ్ఛమైన చేతులు – ఆరోగ్యప్రదమైన భవిష్యత్తుకు దారి అనే నినాదంతో జరుపుకుంటున్నాం. ఈ నినాదం  ద్వారా చేతులు కడుక్కోవడం వలన ఆరోగ్యంగా, ఉత్పాదకంగా జీవించగలిగే భవిష్యత్తును నిర్మించగలమనే సందేశం ఇవ్వడం జరుగుతోంది. గ్లోబల్ హ్యాండ్ వాషింగ్ డే కేవలం ఒక రోజు కార్యక్రమం కాదు, అది మన రోజువారీ జీవితంలో స్వచ్ఛతను ఏర్పరచుకోవడానికి ఒక శక్తివంతమైన సాధనం. సబ్బుతో చేతులు కడుక్కోవడం వంటి సరళమైన పద్ధతులు ద్వారా మనం మన ఆరోగ్యాన్ని, మన చుట్టూ ఉన్నవారి ఆరోగ్యాన్ని కాపాడుకోవచ్చు. కావున ఆరోగ్యంగా జీవించడానికి స్వచ్ఛమైన చేతులను ప్రతీకగా చేసుకుందాం.