28 నుండి కీలపట్ల కోనేటిరాయస్వామి వార్షిక బ్రహ్మోత్సవాలు

ఏప్రిల్ 28 నుండి కీలపట్ల కోనేటిరాయస్వామి వార్షిక బ్రహ్మోత్సవాలు

        చిత్తూరు జిల్లా కీలపట్లలోని శ్రీ కోనేటిరాయస్వామి వార్షిక బ్రహ్మోత్సవాలు ఏప్రిల్ 28 నుండి మే 6వ తేదీ వరకు  వైభవంగా నిర్వహించనున్నారు. ఏప్రిల్ 25న కోయిల్ ఆళ్వార్ తిరుమంజ‌నం, ఏప్రిల్ 27న సాయంత్రం 6 నుండి రాత్రి 8.30 గంటలవరకు సేనాధిపతి ఉత్సవం, అంకురార్పణతో  బ్రహ్మోత్సవాలు ప్రాంభమవుతాయి.  ఉదయం 8 నుంచి 10 గంటల వరకు, రాత్రి 7 నుంచి 9 గంటల వరకు వాహనసేవలు జరుగుతాయి.  వాహనసేవల వివరాలు ఇలా ఉన్నాయి.

తేదీ   ఉదయం   సాయంత్రం

28-04-2023 ధ్వజారోహణం(కర్కాటక లగ్నం)         శేష వాహనం

29-04-2023          తిరుచ్చిఉత్సవం                 హంస వాహనం

30-04-2023   సింహ వాహనం                       ముత్యపుపందిరి వాహనం

01-05-2023    కల్పవృక్ష వాహనం                 సర్వభూపాల వాహనం  

02-05-2023  మోహినీ ఉత్సవం               కల్యాణోత్సవం, గరుడ వాహనం

03-05-2023 హనుమంత వాహనం                 వసంతోత్సవం, గజ వాహనం

04-05-2023  సూర్యప్రభ వాహనం                 చంద్రప్రభ వాహనం

05-05-2023   రథోత్సవం                               అశ్వవాహనం

06-05-2023   చక్రస్నానం            ధ్వజావరోహణం

ఉత్సవాల్లో భాగంగా  మే 2వ తేదీ సాయంత్రం 4 గంటలకు స్వామివారి కల్యాణోత్సవం జరుగనుంది. రూ .500/- చెల్లించి ఇద్దరు కల్యాణోత్సవంలో పాల్గొనవచ్చు. ఉత్తరీయం, రవికె, అన్నప్రసాదం బహుమానంగా అందజేస్తారు. మే 7వ తేదీ సాయంత్రం 4 గంటలకు పుష్పయాగం వైభవంగా నిర్వహించనున్నారు.

         ఈ సందర్భంగా హిందూ ధర్మప్రచార పరిషత్‌, దాససాహిత్య ప్రాజెక్టు, అన్నమాచార్య ప్రాజెక్టుల ఆధ్వర్యంలో ప్రతిరోజు  భక్తి సంగీత కార్యక్రమం, హరికథాగానం, కోలాటాల కార్యక్రమాలు నిర్వహించనున్నారు.