అగ్నిపథ్ పథకాన్ని సవాలు చేస్తూ దాఖలైన పిటిషన్‌ను కొట్టివేసిన ఢిల్లీ హైకోర్టు
ఆర్మీలోని మూడు విభాగాల్లో రిక్రూట్‌మెంట్ కోసం కొత్త అగ్నిపథ్ పథకాన్ని సవాలు చేస్తూ దాఖలైన పిటిషన్‌ను ఢిల్లీ హైకోర్టు సోమవారం కొట్టివేసింది. దిల్లీ హైకోర్టు ప్రధాన న్యాయమూర్తి జస్టిస్‌ సతీష్‌ చంద్ర శర్మ, జస్టిస్‌ సుబ్రమణ్యం ప్రసాద్‌లతో కూడిన డివిజన్‌ బెంచ్‌ అగ్నిపథ్ పథకంలో జోక్యం చేసుకునేందుకు ఎలాంటి కారణం కనిపించడం లేదని పేర్కొంది.
ఈ పథకాన్ని సవాల్ చేస్తూ దాఖలైన పిటిషన్‌ను కొట్టివేస్తున్నట్లు హైకోర్టు పేర్కొంది. అంతకుముందు, హైకోర్టు ఈ అంశంపై తన నిర్ణయాన్ని డిసెంబర్ 15న రిజర్వ్ చేసింది.
దేశ ప్రయోజనాల దృష్ట్యా ఈ ప్రణాళిక రూపొందించామని, సాయుధ బలగాలను మరింత మెరుగ్గా సిద్ధం చేయడమే దీని ఉద్దేశమని కోర్టు పేర్కొంది.
