చిత్తూరునడివీధి గంగమ్మ జాతర మే నెల 16 17 తేదీలలో అత్యంత వైభవముగా జరగనుంది. ఆలయ వంశపారంపర్య ధర్మకర్త, చిత్తూరు మాజీ ఎమ్మెల్యే CK బాబు ఆధ్వర్యంలో ఈ గంగ జాతర జరుగుతుంది. చిత్తూరు జిల్లాలో అతి పెద్ద గంగ జాతరగా చిత్తూరును వర్ణిస్తారు. Chittoor Ganga Jatharaను చూడడానికి, మొక్కులు తీర్చుకోవడానికి కర్ణాటక, తమిళనాడు రాష్ట్రాల నుంచి కూడా భక్తులు భారీ సంఖ్యలో తరలివస్తారు. ఓం శక్తి భక్తుల విన్యాసాలు చిత్తూరు గంగ జాతరలో ప్రధాన ఆకర్షణ. చిత్తూరు గంగ జాతరను జీవితంలో ఒక్కసారి అయినా చూడాలని ప్రతి ఒక్కరు కోరుకుంటారు.
చిత్తూరు గంగ జాతరకు సుమారు 300 ఏళ్లకు పైగా చరిత్ర ఉన్నట్లు తెలుస్తుంది. రాష్ట్రవ్యాప్తంగా ప్లేగు వంటి ప్రాణాంతక వ్యాధులు ప్రభలినప్పుడు గ్రామం మొత్తం వేపాకులు, పసుపు నీటితో శుద్ధి చేయాలని గ్రామ పెద్ద నిర్ణయించారు. ఆ నిర్ణయం నుంచి పుట్టిందే గంగ జాతర. చిత్తూరులో నడివీధి గంగమ్మకు ప్రత్యేకంగా గుడి అంటూ లేకపోవడం విశేషం. గంగమ్మను బజారు వీధిలో ప్రతిష్టిస్తారు. రెండవ రోజున నిమజ్జనం చేస్తారు. మళ్లీ గంగమ్మను దర్శించు కోవడానికి సంవత్సరం రోజులు వేచి ఉండాల్సిందే.
చిత్తూరు గంగ జాతర ప్రతి సంవత్సరం క్రమం తప్పకుండ జరుగుతుంది. అయితే కరోనా కారణంగా 2 సంవత్సరాలు ఆటంకం ఏర్పడింది. అప్పుడు కూడా చిన్నగా గంగ జాతరను నిర్వహించారు.వంశ పారంపర్య ధర్మకర్త, చిత్తూరు మాజీ ఎమ్మెల్యే CK బాబు బజారు వీధిలో గంగమ్మను ప్రతిష్టించి, సంప్రదాయం ప్రకారం పూజలు నిర్వహించారు. భక్తులను అనుమతించలేదు. గంగ జాతరను జరపకుంటే, అరిష్టమని భావిస్తారు. ఆ సమయంలో భక్తులు ఇంటి వద్దే అమ్మ వారికీ అంబలి, నైవేద్యం సమర్పించారు.
చిత్తూరు గంగ జాతరకు ఒక ప్రత్యేకత ఉంది. బజారు వీధిలోని నడివీధి గంగమ్మను ప్రతిష్ట చేస్తారు. గంగమ్మ బంగారు నగలతో దేదిప్యమానంగా వెలుగొందుతుంది. విద్యుత్తు కాంతి వెలుగులలలో అమ్మ వారి ప్రకాశం వర్ణింప అలవికాదు. ఇందుకు అనుగుణంగా సంతపేట, గిరింపేట, కొంగారెడ్డిపల్లి, దొడ్డిపల్లి, మురకంబట్టు, మంగసముద్రం, మంగసముద్రం హౌసింగ్ కాలనీ, ఓబనపల్లిలో కూడా గంగమ్మలు కొలువు తీరుతాయి. పది చోట్ల అనుబంధంగా గంగమ్మలను కొలువు తీర్చి, స్థానిక నాయకుల ఆధ్వర్యంలో రెండు రోజులపాటు గంగ జాతర అత్యంత వైభవంగా నిర్వహిస్తారు.
మొదటి రోజు బజారు వీధిలో మట్టి, పసుపుతో తయారుచేసిన గంగమ్మ విగ్రహాన్ని వేకువ జామున వంశపారంపర్య ధర్మకర్త, చిత్తూరు మాజీ ఎమ్మెల్యే CK Babu, తన సతీమణి సీకే లావణ్య తో కలిసి ఆవిష్కరిస్తారు. తెర తీసిన అనంతరం CK బాబు దంపతులు తొలి పూజను నిర్వహిస్తారు. అప్పటి నుంచి నడివీధి గంగమ్మను దర్శనం చేసుకోవడానికి జనాలు బారులు తీరుతారు. గంగమ్మ దర్శించుకోవడానికి రెండు, మూడు గంటల సమయం పడుతుంది అంటే రద్దీ ఎలా ఉంటుందో ఊహించుకోవచ్చును.
జాతరకు మే నెల 9వ తేదీన చాటింపు వేశారు. చాటింపు వేసిన తర్వాత చిత్తూరులోని పుర ప్రజలు ఎవరు బయటకు వెళ్లి నిద్ర చేయకూడదని ఆచారం. ఎక్కడికి వెళ్ళినా రాత్రి తిరిగి చిత్తూరుకు చేరుకోవాలని పెద్దలు చెప్తారు. జాతర సందర్భంగా పొన్నెమ్మ గుడిలోని పొన్నెమ్మకు, తేనె బండ లోని ముత్యాలమ్మ వారికి భక్తులు పొంగళ్ళు పెట్టి, నైవేద్యం సమర్పిస్తారు. ఇందుకు ఆలయ ధర్మకర్తలు ఏర్పాటు చేస్తారు. 16వ తేదీన సీకే బాబు తెర తొలగించి, తొలి పూజ చేసిన తర్వాత అమ్మవారి దర్శనం ప్రారంభం అవుతుంది.
ఉదయం అబిలిని సమర్పించే కార్యక్రమం ప్రారంభం అవుతుంది. ఇందుకోసం భారీగా పెనాలను సిద్ధం చేస్తారు. మధ్యాహ్నం మాంసాహారాన్ని అమ్మవారికి నైవేద్యంగా సమర్పిస్తారు. ఈ నైవేద్యంలో మునగాకు తప్పనిసరి. సాయంకాలం నేతి దీపాలతో అమ్మవారిని సేవిస్తారు. ఈ సందర్భంగా బజారు వీధిలోని వర్తకుల సంఘం అమ్మవారికి ఒక కొత్త ఆభరణాన్ని సమర్పించడం ఆచారంగా వస్తుంది. చిత్తూరు వాసవి క్లబ్ తరఫున శీతల పానీయాలను, మజ్జిగను భక్తులకు వితరణ చేస్తారు.
అమ్మవారిని దర్శించుకోవడానికి భక్తులకు రెండు రోజులు సమయం ఉంటుంది. ఈ రెండు రోజుల్లో విచిత్ర వేష ధారణతో మొక్కులు సమర్పించుకొని, కానుకలు హుడిలో వేస్తారు. 17వ తేదీ సాయంకాలం పన్నెమ్మ గుడి నుంచి ఆలయ ధర్మకర్త సీకే బాబు అమ్మవారికి సారెను తీసుకుని వెళ్తారు. అమ్మవారికి సారెను సమర్పించి, చిత్తూరు ప్రజలను సుఖ సంతోషాలతో ఉండాలని కోరుకుంటారు. ఆఖరు సరిగా అమ్మవారికి హారతి ఇస్తారు. అనంతరం అమ్మవారి నిమజ్జన కార్యక్రమం ప్రారంభం అవుతుంది.
బజారు వీధిలో అమ్మవారు నిమజ్జనానికి కదలగా, చర్చి వీధిలో ఓం శక్తి భక్తుల విన్యాసాలను ఆలయ ధర్మకర్త సీకే బాబు ప్రారంభిస్తారు. ఓం శక్తి భక్తులు నాలుకకు, దవడలకు, శరీరం మీద చూలాలను గుచ్చుకొని, నిమ్మకాయలను వేలాడదీసుకుంటారు. వీపు వెనుక వైపు కొక్కిళ్లు తగిలించుకుని ఆటోలు, జీవులు, కార్లు, లారీలు లాగుతారు. భక్తి శ్రద్ధలతో జరిగే ఓం శక్తి భక్తుల విన్యాసాలు గంగ జాతరలో ప్రత్యేక ఆకర్షణ. ఓం శక్తి విన్యాసాలను చూడడానికి ప్రజలు భారీగా భక్తులు తరలివస్తారు.
బజారు వీధి నుండి నిమజ్జనానికి బయలుదేరిన గంగమ్మకు బజారి వీధిలోని భక్తులు అడుగడుగునా నీరాజనాలు సమర్పిస్తారు. అత్యంత భక్తి శ్రద్ధలతో కాయ, కర్పూరం సమర్పించుకుంటారు. వీధి మొత్తం పూల వాన కురుస్తుంది. భక్తులకు అన్న ప్రసాదం, శీతల పానీయాలను అందచేస్తారు. భక్తులకు వీడ్కోలు చెబుతూ అమ్మవారు మందగమనంతో చందన రమేష్ సెంటర్ చేరుకుంటారు. ఈ కార్యక్రమంలో భారీగా బాణసంచా పేలుస్తారు. ప్రజలు భారీగా పాల్గొంటారు.
బయలుదేరిన ఓం శక్తి భక్తుల విన్యాసాలు చర్చి వీధి పన్నెమ్మ గుడి వీధి హాయ్ రోడ్డు మీదుగా గాంధీ విగ్రహం మీదుగా చందన రమేష్ కార్నర్ చేరుకుంటుంది. అక్కడ పీకే బాబు అమ్మవారికి హారతినిస్తారు. ఓం శక్తి భక్తులు వారికి పూలమాలవేసి వీడ్కోలు పలకడంతో గంగ జాతర ముగుస్తుంది. అనంతరం అమ్మవారిని కట్టమంచి చెరువులో నిమర్జ్జనం చేస్తారు. ఈ సందర్భంగా చందన రమేష్ కార్నర్లో ఆర్కెస్ట్రాలను ఏర్పాటు చేయడం ఆనవాయితీగా వస్తుంది.
17 తారీకు చిత్తూరు చుట్టుపక్కల గ్రామాల నుంచి భారీగా భక్తులు అమ్మవారిని దర్శించుకుంటారు. భారీగా బంధుమిత్రులు చిత్తూరుకు తరలి వస్తారు. 16వ తేదీన అమ్మవారికి మొక్కులు సమర్పించుకోవడంతోపాటు బలులు కూడా సమర్పించుకుంటారు. ఈ జాతరకు పోలీసు యంత్రాంగం భారీ బందోబస్తు ఏర్పాటు చేస్తుంది. అడుగడుగునా నిఘా ఉంటుంది. గంగమ్మను ప్రతిష్టించినప్పటి నుంచి నిమర్జ్జనం వరకు కట్టుదిట్టమైన పోలీసు బందోబస్తును ఏర్పాటు చేస్తారు.
ఇందుకు చిత్తూరు చుట్టుపక్కల పోలీసులను చిత్తూరుకు రప్పిస్తారు. చిత్తూరు మున్సిపాలిటీ అధికారులు కూడా పారిశుద్ధ్య విషయంలో తగు జాగ్రత్తలు తీసుకుంటారు. 16వ తేదీన భక్తుల సమర్పించే ఆందోళని ఎప్పటికప్పుడు శుభ్రం చేయడం చేస్తారు. అక్కడ భక్తులకు ఇబ్బంది లేకుండా మున్సిపాలిటీ పారిశుద్ధ కార్యక్రమం కార్మికులు రెండు రోజులపాటు శ్రమిస్తారు.
.jpeg)
